Pika(NSS) အောက်တိုဘာ ၁၆

ဘင်္ဂလားဒေ့ရှ်နိုင်ငံက အထည်ချုပ်စက်ရုံတစ်ခုနဲ့ ကပ်လျက်မှာရှိတဲ့ ဓါတုပစ္စည်းတွေဂိုထောင်တစ်ခုတို့မှာ မီးလောင်ကျွမ်းမှုတွေဖြစ်ပွားခဲ့ရာ အနည်းဆုံးလူ(၁၆)ဦးသေဆုံးခဲ့ပြီး အခြားလူအများအပြား ထိခိုက်ဒဏ်ရာရရှိခဲ့တယ်လို့ သိရပါတယ်။ဒါ့ပြင် မီးလောင်မှုကြောင့် သေဆုံးသူအရေအတွက်ဟာ ထပ်မံတိုးမြင့်လာနိုင်ဖွယ်ရှိနေတယ်လို့လည်း တာဝန်ရှိသူတွေက ထုတ်ပြန်ပြောကြားခဲ့ပါတယ်။မီးလောင်ကျွမ်းမှု ဘာကြောင့်ဖြစ်ပွားရသလဲဆိုတဲ့ အကြောင်းအရင်းတွေကိုတော့ လက်ရှိအချိန်အထိ ရှင်းရှင်းလင်းလင်း မသိရှိရသေးဘူးလို့လည်း မီးသတ်ဌာန ဒါရိုက်တာ Tajul Islam Chowdhury က ပြောကြားခဲ့ပါတယ်။ Tajul Islam Chowdhuryက”အထည်ချုပ်စက်ရုံရဲ့ ဒုတိယထပ်နဲ့ တတိယထပ်တို့ကနေ ရုပ်အလောင်း(၁၆)လောင်းကို ပြန်လည်ရယူနိုင်ခဲ့ပါတယ်။ရှာဖွေကယ်ဆယ်ရေးလုပ်ငန်းတွေကို ဆက်လက်ဆောင်ရွက်နေမှုနဲ့အတူ သေဆုံးသူအရေအတွက်က တိုးမြင့်လာနိုင်ဖွယ်ရှိနေပါတယ်။”လို့ပြောဆိုခဲ့ပါတယ်။ဒါကာမြို့ Mirpurဧရိယာမှာရှိတဲ့ လေးထပ်အဆောက်အဦးရဲ့ တတိယထပ်မှာ မီးစတင်လောင်ကျွမ်းခဲ့တာဖြစ်ပြီး နောက်ပိုင်းမှာ အရောင်ချွတ်ဆေးမှုန့်၊ ပလပ်စတစ်နဲ့ ဟိုက်ဒရိုဂျင်ပါအောက်ဆိုဒ်တို့ သိုလှောင်ထားတဲ့ ဓါတုဂိုထောင်ရုံကို မီးကူးစက်သွားခဲ့တာဖြစ်တယ်လို့ မျက်မြင်သက်သေတစ်ဦးက ပြောကြားခဲ့ပါတယ်။မီးသတ်သမားတွေဟာ အထည်ချုပ်စက်ရုံမှာ လောင်ကျွမ်းနေတဲ့မီးကို အချိန်(၃)နာရီကြာ ငြိမ်းသတ်ခဲ့ရပေမယ့်လည်း ဓါတုဂိုထောင်ရုံမှာတော့ မီးဆက်လက်လောင်ကျွမ်းနေဆဲဖြစ်တယ်လို့လည်း သိရပါတယ်။