Pika (NP News) - September 7 

    ဂျာမနီနိုင်ငံတွင် အလုပ်လက်မဲ့ဦးရေသည် ဆယ်စုနှစ်တစ်ခုအတွင်း အမြင့်ဆုံးအဆင့်သို့ မြင့်တက်လာခဲ့ ကြောင်း တရားဝင်ထုတ်ပြန်ခဲ့သော ကိန်း ဂဏန်းအချက်အလက်များအရသိရသည်။

  ဂျာမနီနိုင်ငံ၏ စီးပွားရေးကျဆင်းမှုအန္တရာယ်များသည် သုံးနှစ်ဆက်တိုက်ဖြစ်ပွားလာနိုင်ခြေ ရှိမှုနှင့်အတူ အဆိုပါအလုပ်သမားအစီရင်ခံစာ ထွက်ပေါ်လာခြင်းဖြစ်သည်။ ဂျာမနီနိုင်ငံတွင် အလုပ်လက်မဲ့ဦးရေသည် (၂၀၁၅) ခုနှစ်နောက်ပိုင်း ပထမဆုံးအ ကြိမ်အဖြစ် ပြီးခဲ့သည့်ဩဂုတ်လတွင် (၃)သန်း ကျော် အထိမြင့်တက်လာခဲ့ကြောင်း အဆိုပါ အစီရင်ခံစာ တွင် ရေးသားဖော်ပြထားသည်။ 

အလုပ်လက်မဲ့ဦးရေသည် လစဉ် (၄၆၀ဝဝ) ဦးမြင့်တက်လာမှုနှင့်အတူ ရာသီအလိုက်ချိန်ညှိထားခြင်းမျိုးမရှိသောသတ်မှတ်ချက်များတွင် အလုပ်လက် မဲ့ဦးရေသည် (၃ ဒသမ ဝ၂)သန်း သို့မဟုတ် ဂျာမနီနိုင်ငံလူဦးရေ၏ (၆ ဒသမ ၄)ရာခိုင်နှုန်းအထိ ရှိလာခဲ့ ကြောင်းသိရသည်။ ထို့ပြင် ဂျာမနီနိုင်ငံ၏ အားနည်း သောစီးပွားရေးတွင် အလုပ်သမား ဈေးကွက်ရုန်းကန် နေရမှုများကို ဖက်ဒရယ်အလုပ်အကိုင်အေဂျင်စီအ ကြီးအကဲ က ပြစ်တင်ဝေဖန်ခဲ့ ကြောင်းသိရသည်။ 

ဥရောပသမဂ္ဂ၏ အကြီးဆုံးစီးပွားရေးဖြစ် သော ဂျာမနီစီးပွားရေးသည် (၂၀၂၃)ခုနှစ်တွင် (ဝ ဒသမ ၃) ရာခိုင်နှုန်းကျဆင်းသွားခဲ့ပြီးနောက် (၂၀၂၄)ခုနှစ်တွင် (ဝ ဒသမ ၂)ရာခိုင်နှုန်း ထပ်မံ ကျ ဆင်းသွားခဲ့ကြောင်းသိရသည်။ (၂၀၂၅)ခုနှစ် ပထမ သုံးလပတ်တွင် ဂျာမနီစီးပွားရေးသည် (ဝ ဒသမ ၃) ရာခိုင်နှုန်းတိုးလာခဲ့သော်လည်း အမေရိ ကန်၏အခွန် စည်းကြပ်မှုအသစ်များကြောင့် မသေချာမရေရာမှုများ ကြီးထွားလာမှုနှင့်အတူ ဒုတိယသုံးလ ပတ်တွင် (ဝ ဒသမ၃)ရာခိုင်နှုန်းကျဆင်းသွားခဲ့ကြောင်း သိရသည်။

ထို့ပြင် ဂျာမနီနိုင်ငံ၏စီးပွားရေးသည် ဖွံ့ဖြိုးတိုးတက်လာမှုမရှိဘဲ သုံးနှစ်ဆက်တိုက်ကျဆင်း မှုများကိုကြုံတွေ့ ရနိုင်ကြောင်း နိုင်ငံတကာငွေကြေး ရန်ပုံငွေအဖွဲ့က မကြာသေးမီက သတိပေး ပြောဆိုခဲ့သည်။