ချယ်ရီ (NSS) - ဇူလိုင် ၁၁

ပို့ဆောင်ဆက်သွယ်ရေးနှင့် ဆက်သွယ်ဝန်ကြီးဌာနမှ မြန်မာ့မီးရထားလုပ်ငန်းမှ ဘူတာအသစ်တည်ဆောက်ခြင်းအပါအဝင် ရထားလမ်းပိုင်းလုပ်ငန်း (၁၂) ခုအတွက် တင်ဒါခေါ်ယူသွားမည်ဖြစ်ကြောင်း တင်ဒါကော်မတီမှ ထုတ်ပြန်ထားသည်။

ထို့ကြောင့် စိတ်ပါဝင်စားသည့် မြန်မာနိုင်ငံသားလုပ်ငန်းရှင် ကုမ္ပဏီများကို အိတ်ဖွင့်တင်ဒါစနစ် (မြန်မာကျပ်ငွေ)ဖြင့် တင်ဒါတင်သွင်းနိုင် ကြောင်း အဆိုပါကော်မတီက ဆိုသည်။

ပြုပြင်ဆောက်လုပ်မည့်လုပ်ငန်းများမှာ ရန်ကုန်မြို့ပတ်ရထားလမ်း အဆင့်မြင့်တင်ရေးစီမံကိန်းမှ ကံဘဲ့ဘူတာ အသစ်တည်ဆောက်ခြင်း လုပ်ငန်း၊ ကြို့ကုန်းဘူတာ အသစ်တည်ဆောက်ခြင်းလုပ်ငန်းအပါဝင် ရွှေညောင် - ရပ်စောက်လမ်းပိုင်းမှ တောင်နီ- ပင်ဖြစ်ကြား မိုင် (၄၂၀/၁၈-၁၉) ရှိ တံတားအမှတ် (၂၉)အား 10” span တံတားမှ 20” span တံတား အဖြစ် ပြုပြင်တည်ဆောက်ခြင်းနှင့် 2V- 250 Ah wet cell battery 720- Nos ဝယ်ယူခြင်း၊ အချက်ပြနှင့်ဆက်သွယ်ရေးလုပ်ငန်းသုံး ပစ္စည်း (၂)မျိုးဝယ်ယူခြင်းလုပ်ငန်းတို့ကို ဆောင်ရွက်သွား မည်ဖြစ်ကြောင်း သိရသည်။

ထို့ပြင် တိုင်းအမှတ်(၁၁)ပုဂံမှ တောင်တွင်းကြီး- မကွေးလမ်းပိုင်း၊ သရက်လေးပင်-လျှောင်းတော်ဦးကြား မိုင်(၃၃၂/၁၈-၁၉) တွင် တံတားအမှတ် (၁၃၉-အေ) 2/20’-0" Span Slat တံတားအဖြစ်တည်ဆောက်ခြင်း၊ တိုင်းအမှတ်(၈)မော်လမြိုင်မှ မော်လမြိုင်ဘူတာ သစ်ကြီးတွင် (ရေ၊မီး၊မိလ္လာအပါ၊ (17,376) Sfit ၊ (50) Person Septic Tank (၂)လုံး၊ ဂါလံ (၅,၀၀၀) Ground Tank အပါ (နှစ်ဆက်လုပ်ငန်း) ဝန်ထမ်းအိမ်ရာ(၆)ခန်းတွဲ (၄)ထပ် (RC) (၁)လုံး တည်ဆောက်ခြင်းနှင့် ရန်ကုန်- သီလဝါလမ်းပိုင်း အချက်ပြနှင့် ဆက်သွယ်ရေးစနစ် ပြုပြင်မွမ်းမံခြင်းလုပ်ငန်းတို့ ပါဝင်သည်။

ထို့နောက် ရန်ကုန်- မန္တလေး ရထားလမ်းပိုင်း အချက်ပြနှင့် ဆက်သွယ်ရေးအဆင့်မြှင့်တင်ခြင်းနှင့် ပြုပြင်မွမ်းမံခြင်းလုပ်ငန်းမှ ကျေးတောဘူတာမှ ရွာတော်ဘူတာအထိ ဘူတာ(၁၂)ဘူတာ၊ ကျည်တောင်ကန်ဘူတာမှ ရှမ်းရွာဘူတာအထိ ဘူတာ (၁၂)ဘူတာနှင့် ညောင်ရမ်းဘူတာမှ စဉ့်ကိုင်ဘူတာအထိ ဘူတာ(၁၁) ဘူတာတို့၏ အချက်ပြစနစ်ပြုပြင် မွမ်းမံခြင်းလုပ်ငန်နှင့် တောင်ငူ-နေပြည်တော် လမ်းပိုင်းရှိ ဆက်သွယ်ရေးစနစ် ပြုပြင်မွမ်းမံခြင်းလုပ်ငန်းများ ဆောင်ရွက်သွားမည် ဖြစ်ကြောင်း သိရသည်။

တင်ဒါအမှတ်စဉ်(၁၂)ခု ရှိသည့်အနက် (၆)ခုကို လာမည့် ဇူလိုင်လ (၂၄) ရက်၊ နေ့လည် (၂)နာရီခွဲ၌ တင်ဒါပိတ်မည်ဖြစ်ပြီး ကျန်ရှိ (၆)ခုကို ဩဂုတ်လ(၈)ရက်၊ နေ့လည် (၂) နာရီခွဲတွင် တင်ဒါပိတ်မည်ဖြစ်ကြောင်း ထုတ်ပြန်ထားသည်။

ထို့ကြောင့် တင်ဒါပုံစံများကို ဗိုလ်တထောင်မြို့နယ်၊ ကုန်သည်လမ်းနှင့် ၅၁လမ်းထိပ်ရှိ မြန်မာ့မီးရထာ၊ ထောက်ပံ့ဌာနတွင် ဇူလိုင်လ(၁၀) ရက်မှစတင်၍ ရုံးချိန်အတွင်း ဝယ်ယူနိုင်ကြောင်းနှင့် အသေးစိတ်သိရှိလိုလျှင်ဖုန်းနံပါတ် ၀၁ ၂၉၄၃၅၂၊၀၁၂၉၁၉၉၄ သို့ ဆက်သွယ်မေးမြန်းနိုင်ကြောင်း တင်ဒါကော်မတီမှ ထုတ်ပြန်ထားသည်။