တရုတ်နိုင်ငံ ရှန်ကျန်းမှာ (၁၀)နှစ်အရွယ် ဂျပန်ကျောင်းသားကို သတ်ဖြတ်ခဲ့တဲ့ လူသတ်သမား ကွပ်မျက်ခံရ
ရောင်နီ (NSS) - ဧပြီ ၂၃
၂၀၂၄ ခုနှစ် စက်တင်ဘာလက တရုတ်နိုင်ငံတောင်ပိုင်း ရှန်ကျန်းမှာ အသက် (၁၀)နှစ်အရွယ် ဂျပန်ကျောင်းသားတစ်ဦးကို ဓားနဲ့ထိုးသတ်ခဲ့တဲ့ တရုတ်အမျိုးသားတစ်ဦးကို ကွပ်မျက်လိုက်တယ်လို့ သံတမန်သတင်းရင်းမြစ်တစ်ခုက ဧပြီ ၂၁ ရက်မှာ ပြောကြားခဲ့ပါတယ်။
ကျောင်းချောင်ချန် အမည်ရှိ တရားခံ အမျိုးသားဟာ ရှန်ကျန်းမြို့တော်တောင်ပိုင်းရှိ ဂျပန်စာသင်ကျောင်းအနီးမှာ ဂျပန်ဖခင်၊ တရုတ်မိခင်ရဲ့သားဖြစ်သူ အသက် (၁၀)နှစ်အရွယ် ကျောင်းသားကို သတ် ဖြတ်မှုအတွက် ဇန်နဝါရီလက သေဒဏ်ချမှတ်ခံခဲ့ရတာ ဖြစ်ပါတယ်။ စီရင်ချက်နဲ့ပတ်သက်ပြီး အယူခံဝင်ခွင့်မရှိပါဘူး။ ကွပ်မျက်တဲ့သတင်းကိုတော့ တရုတ်နိုင်ငံခြားရေးဝန်ကြီးဌာနက တရုတ်နိုင်ငံ ပေကျင်းမြို့ရှိ ဂျပန်သံရုံးကို ဧပြီ ၂၁ ရက်က အကြောင်းကြားခဲ့တာ ဖြစ်တယ်လို့ သတင်းရင်းမြစ်က ဆိုပါတယ်။
တရားခံဟာ အွန်လိုင်းပေါ်မှာ လူအများရဲ့စိတ်ဝင်စားမှုကို ရယူလိုတာကြောင့် ဓားတစ်ချောင်းဝယ်ယူပြီး ကျောင်းသွားတဲ့လမ်းမှာ ကလေးကို တိုက်ခိုက်မှု ပြုလုပ်ခဲ့တာ ဖြစ်တယ်လို့ သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပါကစ္စတန်မှာ လေထုညစ်ညမ်းမှုကြောင့် ကလေးများ ရုပ်ပိုင်းဆိုင်ရာ၊ စိတ်ပိုင်းဆိုင်ရာ ကျန်းမာရေး ထိခိုက်လျက်ရှိ
RELATED POSTS
19 May 2025 | မှုခင်း,ပြည်တွင်း
18 May 2025 | မှုခင်း,နိုင်ငံတကာ