ရောင်နီ (NSS) - မတ် ၁၈

            အမေရိကန်နိုင်ငံ၊ ပန်နီဆေးလ်ဗေးယား၊ နယူးယောက်ခ်၊ အလယ်ပိုင်း အတ္တလန်တိတ်နဲ့ အရှေ့တောင်ဘက်ပြည်နယ် အစိတ်အပိုင်းတွေမှာ လေဆင်နှာမောင်း တိုက်ခတ်မှုကြောင့် သေဆုံးသူ (၃၆)ဦးအထိ မြင့်တက်ခဲ့ပါတယ်။

            အိမ်ဖြူတော်ရဲ့ထုတ်ပြန်ချက်အရ သမ္မတဒေါ်နယ်ထရမ့်က လေဆင်နှာမောင်းနဲ့ မုန်တိုင်းတွေကို စောင့်ကြည့်နေပြီး အာကန်းဆက်မှာ National Guard တပ်ဖြန့်ထားကာ ပြည်နယ်နဲ့ ဒေသဆိုင်ရာ တာဝန်ရှိသူတွေကို အကူအညီပေးဖို့ ကတိပြုထားတယ်လို့ ဆိုပါတယ်။ တောင်ပိုင်းနဲ့ အနောက်အလယ်ပိုင်းမှာ တိုက်ခတ်နေတဲ့ လေဆင်နှမောင်း  မုန်တိုင်းတွေဟာ တနင်္ဂနွေ (မတ် ၁၆ ရက်)မှာ အရှေ့အရပ်ဘက်ဆီ ဦးတည်သွားခဲ့ပါတယ်။ မုန်တိုင်းကြောင့် တနင်္ဂနွေ(မတ်လ ၁၆ ရက်) မွန်းလွဲပိုင်းအထိ မုန်တိုင်းဒဏ်ခံ ဒေသတွေမှာ လူပေါင်း (၃၄၀,၀၀၀)ကျော် လျှပ်စစ်မီးပြတ်တောက်သွားခဲ့တယ်လို့PowerOutage ဝက်ဘ်ဆိုက်အရ သိရပါတယ်။

           မစ်ဇိုရီပြည်နယ်ကတော့ မုန်တိုင်းကြောင့် လူသေဆုံးမှု အများဆုံးဖြစ်ပြီး ခရိုင်ငါးခုမှာ သေဆုံးသူ (၁၂)ဦးရှိတယ်လို့ ပြည်နယ်အုပ်ချုပ်ရေးမှူးက ဆိုပါတယ်။ မစ်ဆူရီမှာတော့ ခရိုင်အတွင်း အိမ် (၅၀၀) ကျော်၊ ဘုရားကျောင်းနဲ့ ကုန်စုံဆိုင် တစ်ဆိုင် ပျက်စီးခဲ့တယ်လို့ သိရပါတယ်။ ပြင်းထန် ဖုန်မှုန့်မုန်တိုင်းကြောင့် ကန်းဆက်ရှိ ရှာမန်ကောင်တီမှာ ကား (၅၀)ကျော် ယာဉ်တိုက်မှုဖြစ်ပြီး သေဆုံးသူ ရှစ်ဦး ရှိခဲ့ပါတယ်။ အလာဘားမားမှာလည်း လူနှစ်ဦးထက်မနည်း သေဆုံးခဲ့ပြီး တက္ကဆက်ပြည်နယ်မှာတော့ လူသုံးဦး သေဆုံးခဲ့တယ်လို့ သိရပါတယ်။

          ပြီးခဲ့တဲ့ သီတင်းပတ် သောကြာနေ့(မတ်လ ၁၄ ရက်) မှ တနင်္ဂနွေနေ့  (မတ်လ ၁၆ ရက်) နေ့လယ်ထိအတွင်း လေဆင်နှာမောင်း (၃၉)ကြိမ်ဖြစ်ပွားခဲ့တယ်လို့ အမျိုးသားမိုးလေဝသဌာန မိုးလေဝသ ခန့်မှန်းချက်စင်တာမှ ထုတ်ပြန်ချက်အရ သိရပါတယ်။