ဂျန်ဇက် (NSS) - ဩဂုတ် ၁၅

မြင်းခြံမြို့တွင်လုပ်ကိုင်နေသည့် လျှပ်စစ်ဓါတ်အားပေးစက်ရုံကို ယာယီပိတ်ထားလိုက်ကြောင်း စင်ကာပူအခြေစိုက် Sembcorp Industries စီးပွားရေးလုပ်ငန်းစုက သတင်းထုတ်ပြန်လိုက်သည်။ 

မန္တလေးမြိုတွင်တိုက်ပွဲများဖြစ်လာနေခြင်းကြောင့် Sembcorp သည် မြင်းခြံမြို့ရှိ ဓါတ်အားပေးစက်ရုံကို ပိတ်သိမ်းရခြင်းဖြစ်ကြောင်း၊ အဆိုပါဓါတ်အားပေးစက်ရုံသည် ၂၂၅ မဂ္ဂါဝပ်ထုတ်လုပ်နိုင်မည့် ကျောက်မီးသွေးသုံး လျှပ်စစ်ဓါတ်အားပေးစက်ရုံဖြစ်ကြောင်း သိရသည်။ မြင်းခြံမြိုတွင် ပြီးခဲ့သောရက်ပိုင်းအတွင်း မတည်ငြိမ်မှုများဖြစ်လာသည့်အတွက် စက်ရုံကို ယာယိပိတ်သိမ်းရန် ဆုံးဖြတ်ခဲ့ခြင်းဖြစ်ကြောင်း စင်ကာပူအခြေစိုက်ကုမ္ပဏီကသတင်းထုတ်ပြန်ထားသည်။

စင်ကာပူအခြေစိုက် ကုမ္ပဏီက "အခြေအနေတွေ ဘေးကင်းမယ်ဆိုရင် စက်ရုံပြန်လည်ဖွင့်လှစ်သွားဖို စီစဉ်ထားတယ်"ဟု ပြောသည်။ အဆိုပါ ကုမ္ပဏီသည် စင်ကာပူအစိုးရ ပိုင်ဆိုင်သော Temasek ကုမ္ပဏီ၏ အဓိကရင်းနှီးမြှုပ်နှံမှုကို ရရှိထားသည့် ကုမ္ပဏီဖြစ်ကြောင်း သိရသည်။ ထို့ပြင် ဂျပန်နိုင်ငံအခြေစိုက် Unicharm ကလည်း ၎င်းတို့အနေဖြင့် မြန်မာနိုင်ငံအတွင်းလုပ်ကိုင်နေသည့် ၎င်းတိုကုမ္ပဏီနှင့်ပတ်သက်ပြီး ရင်းနှီးမြှုပ်နှံမှုပမာဏကို လျှော့ချသွားမည်ဖြစ်ကြောင်း သတင်းထုတ်ပြန်ထားသည်။