ဂျန်ဇက် (NSS) - ဇူလိုင် ၁၆

ရုရှားနိုင်ငံတွင် ၂၀၂၄ ခုနှစ်အတွင်း စစ်သားအဖြစ် လူပေါင်း (၂) သိန်းနီးပါးကို လူသစ်စုဆောင်းနိုင်ခဲ့ကြောင်း ရုရှားကာကွယ်ရေးဝန်ကြီးဌာနက သတင်းထုတ်ပြန်လိုက်သည်။ 

ရုရှားကာကွယ်ရေးဝန်ကြီးဌာနက “ တစ်ရက်ကို လူပေါင်း (၁၀ဝဝ)နီးပါး စစ်သားအဖြစ် လူသစ် စုဆောင်းနိုင်ခဲ့တယ်” ဟု ပြောသည်။ ရုရှားသည် ပြီးခဲ့သော ၂၀၂၂ ခုနှစ်တွင် ယူကရိန်းနှင့် စစ်ပွဲ ဖြစ်လာ ခဲ့ပြီးနောက်ပိုင်း လူသစ်စုဆောင်းမှုများ အရှိန်မြှင့်လုပ်ဆောင်ခဲ့ရာ လက်ရှိအချိန်တွင် ယူကရိန်းနှင့် ဖြစ်ပွားနေသော စစ်ပွဲအတွင်း ရုရှားစစ်သား (၇)သိန်းကျော် ဖြန့်ကြက်ချထားကြောင်း ရုရှားသမ္မတ ပူတင်က ပြောသည်။

ရုရှားသည် ယူကရိန်းနှင့်စစ်ပွဲအတွက် လူပေါင်း (၃)သိန်းကို စစ်သားအဖြစ် လူသစ်စုဆောင်း ရန်စီစဉ်ထားကြောင်း သတင်းထုတ်ပြန်ထားသည်။ ယူကရိန်းသည် ပြီးခဲ့သော ၂၀၂၃ ခုနှစ်တွင် ရုရှားကို ကြီးမားသော တန်ပြန်ထိုးစစ်ဆင်ခဲ့သော်လည်း မျှော်လင့်သလောက် အောင်မြင်မှုမရခဲ့သည့်အတွက် လက်ရှိအချိန်တွင် လူသစ်ထပ်မံစုဆောင်းရန် ရုန်းကန်နေရကြောင်းသိရသည်။ သို့သော်လည်း ယူကရိန်း သမ္မတသစ်သည် စစ်သားအသစ်များထပ်မံ စုဆောင်းနိုင်ရန်အတွက် စစ်မှုထမ်းရမည့် အသက်အရွယ် ကန့်သတ်ချက်များကို အသက် (၂၇)နှစ်မှ (၂၅)နှစ်အထိ လျှော့ချပေးခဲ့ကြောင်းသိရ သည်။

ရုရှားသမ္မတပူတင်က ယူကရိန်းနိုင်ငံ အပေါ်ပြုလုပ်ခဲ့သော အထူးစစ်ဆင်ရေးစတင်ခဲ့ပြီး နောက် ယူကရိန်းပိုင်နက် (၈၈၀) စတုရန်းကီလိုမီတာကျော် လွတ်မြောက်သွားခဲ့ကြောင်း ပြောသည်။  ရုရှား နှင့် ယူကရိန်းနိုင်ငံကြား ဖြစ်ပွားနေသော စစ်ပွဲသည် (၃)နှစ်အတွင်း ရောက်ရှိလာခဲ့သော်လည်း လက်ရှိအချိန်အထိ အပစ်ခတ်ရပ်စဲရေး ရယူနိုင်ခြင်းမရှိသေးသလို ဆွေးနွေးနိုင်ခြင်းလည်း မရှိသေး ကြောင်းသိရသည်။