လင်းမြတ် (NSS) - ဇူလိုင် ၈ 

ပြည်သူ့ထောက်ခံမှု အများအပြားရရှိနေတဲ့ ရီပတ်ပလစ်ကန် သမ္မတလောင်းနှင့် အမေရိကန်ရဲ့ (၄၅)ယောက်မြောက် သမ္မတဟောင်း ဒေါ်နယ်ထရမ့် က ဒီဘိတ်စင်မြင့်ထက်မှာ ဂျိုးဘိုင်ဒန်ကို ဘေးမှာ ထားပြီး ငါသူ့ကိုပြည့်စုံတဲ့သမ္မတ ဖြစ်ပါစေလို့ မျှော်လင့်ခဲ့တာ သူသာပြီးပြည့်စုံတဲ့ အမေရိကန် သမ္မတ ဖြစ်ခဲ့မယ်ဆိုရင် ငါဒီနေရာမှာရှိနေစရာ အကြောင်းမရှိ ဘူးလို့ဒေါ်နယ်ထရမ့်က ပြောခဲ့ပါတယ်။ " I’m only here because he is so bad "ငါဒီ ဒီဘိတ်စင်မြင့် မှာရှိနေရတဲ့အကြောင်းအရင်းက ဂျိုးဟာ သိပ်စိတ်ပျက်စရာကောင်းလောက်အောင် ဆိုးရွားတဲ့ သမ္မတတစ်ယောက်ဖြစ်နေလို့ပဲ။ " I will make America great again." ငါအမေရိကန်ကို ကြီးမြတ်ပြည့်စုံ ကောင်းမွန်အောင် ပြန်လုပ်မယ်။ ငါသူ့ရဲ့နိုင်ငံရေး ဆိုင်ရာ ရန်သူမဖြစ်ခဲ့ရင် အခု စွပ်စွဲခံ တရားရင်ဆိုင်စရာတွေ ရှိလာမှာမဟုတ်ဘူး။ အခုစွပ်စွဲချက်တွေ အားလုံးဟာ သူရဲ့နိုင်ငံရေးရန်သူဖြစ်နေလို့ပဲ။ ငါ့မှာ လုပ်စရာအလုပ်တွေ လုပ်ချင်တာတွေ နေချင်တဲ့ နေရာတွေ အများကြီးရှိတယ်။ ဒါပေမဲ့ မင်းအသုံးမကျ လို့ ရွေးကောက်ပွဲ ပြန်ဝင်ရတာလို့ ဆိုပြန်ပါတယ်။

ဂျိုးဘိုင်ဒန်ရဲ့ သမ္မတဩဇာနဲ့  စွမ်းရည်အပေါ် ခြုံငုံဝေဖန်ခြင်း

ထရမ့်က တစ်နိုင်ငံလုံးက မင်းကြောင့် ပေါက်ကွဲနေတယ်။ မင်းကိုလေးစားမှုမရှိဘူး။ အမေရိကန် တပ်မတော်ကပင် မင်းကိုမလေးစားဘူး။ သမ္မတကို လေးစားမှုဆိုတာရှိရတယ်။ ကမ္ဘာတစ်ဝန်းကလည်း မင်းကို လေးစားတာမရှိဘူး။ အာဖဂန်မှာ ငါတို့ အမေရိကန်တွေက အရူးကောင်တွေလိုဖြစ်နေတယ်။ နေတိုး/ဥရောပနိုင်ငံတွေကိုလည်း သူတို့နိုင်ငံတွေ အလိုက် ထည့်ဝင်သင့်တဲ့ ရန်ပုံငွေတွေကို ထည့်ဝင်ဖို့ တိုက်တွန်းရမယ့်အစား အမေရိကန်ကပဲ အကုန် စိုက်ထုတ်ပေးပြီး မြှောက်ပင့်ပြောခံရတာကို ပျော်ပြီး နေတယ်။ တကယ်တမ်း နေတိုး/ဥရောပနိုင်ငံ ခေါင်း ဆောင်တွေက မင်းကိုမလေးမစားနဲ့ အမေရိကန် သမ္မတကို နောက်ကွယ်မှာ ဟားတိုက်စရာလိုမြင် လာတယ်။ ဂျူးတွေကိုလည်း အကာကွယ်မပေးနိုင်ဘူး။ ယူကရိန်းပြဿနာဟာလည်း မဖြစ်သင့်ဘူးလို့ အပြစ်တင်ပြောဆိုခဲ့ပါတယ်။ ယူကရိန်းပြည်သူများ စွာ မရေမတွက်နိုင်အောင် သေခဲ့၊ သေနေရတာ၊ ယူ ကရိန်းရဲ့ပြန်မရနိုင်တော့တဲ့ ရှေးဟောင်း ရွှေရောင် မြို့ပြအဆောက်အအုံတွေနဲ့ ယဉ်ကျေးမှုအမွေအနှစ် တွေပျက်စီးခဲ့ရတာ မင်းအသုံးမကျလို့ဆိုပြီးတော့လည်း ပြောခဲ့ပါသေးတယ်။

အမေရိကန်ရုရှားဆက်ဆံရေးနဲ့ပတ်သက်လို့ Wall Street Journal က Evan သတင်းထောက် Gershkovich က ပူတင်နဲ့ အင်တာဗျူးမှာ ပူတင်က ဘိုင်ဒန်ကို ရယ်စရာအရွှန်းဖောက်ခဲ့လို့ ဘိုင်ဒန်အစိုး ရက သတင်းထောက်ကို ထောင်ချခဲ့တယ်။ ကျွန်တော်သာ သမ္မတအဖြစ် ပြန်လည်ရွေးချယ်ခံရရင်Wall Street Journal သတင်းထောက် Evan Gershkovich ကို ပြန်လွှတ်ပေးမယ်လို့ ပြောခဲ့ပါ သေးတယ်။

"မင်းရဲ့(၃)နှစ်ခွဲတာ သမ္မတ သက်တမ်းဟာ ငါတို့အမေရိကန်ပြည်သူတွေအတွက်တော့ ငရဲပြည် ရောက်နေသလိုပဲ။ ပါလက်စတိုင်းတွေနဲ့ သူတို့ကို ထောက်ခံသူတွေက အမေရိကန်ရဲ့နေရာတိုင်းမှာ အဓိကရုဏ်းတွေ ဖြစ်နေတယ်။ ဂျိုး မင်းဟာ အမေရိ ကန် သမ္မတ သမိုင်းမှာ အညံ့ဆုံးသမ္မတပဲ"လို့ ပျစ်ပျစ်နှစ်နှစ်ဝေဖန်ပြောဆိုခဲ့ပါသေးတယ်။

လူဝင်မှုကြီးကြပ်ရေးနဲ့  နယ်စပ်ဖြတ်ကျော်ခိုးဝင်သူများဆိုင်ရာ ထောက်ပြခြင်း

    ထရမ့်က မိမိလက်ထက်မှာ အမေရိကန် နယ်စပ်စည်းရိုး တံတိုင်းများတည်ဆောက်ခဲ့သော်လည်း လစ်ဘရယ် ဒီမိုကရက် ဂျိုးဘိုင်ဒန်လက်ထက် အမေရိကန်သို့ တရားမဝင်နယ်စပ်ဖြတ်ကျော် ဝင်ရောက်သူ (၁၈)သန်းခန့်ရှိခဲ့တယ်လို့ ဆိုပါတယ်။ အဆိုပါ နယ်စပ်ခိုးဝင်သူတွေထဲမှာ နိုင်ငံစုံက စစ်တပ် အထူးသင်တန်းပြီးထားသကဲ့သို့ ကြံ့ခိုင်သူ သူလျှိုကဲ့ သို့လူတွေ၊ မှုခင်းစုံကျူးလွန်ခဲ့ဖူးသူတွေ၊ စိတ်ရောဂါ ဆိုင်ရာ မကျန်းမာသူတွေ၊ ဆေးစွဲဘိန်းစားတွေ အမေ ရိကန်မှာ နေထိုင်ခွင့်နဲ့ မထိုက်တန်သူတွေ များစွာပါရှိ ခဲ့တယ်လို့ ဆိုပါတယ်။ ဂျိုးဘိုင်ဒန် သက်တမ်းအတွင်း လူယက်မှု၊ မုဒိမ်းမှု၊ ပစ်ခတ်မှုကြောင့် ပြည်သူနဲ့ ရဲတပ်ဖွဲ့ဝင် သေဆုံးမှုတွေမှာလည်း ခိုးဝင်ခို လှုံသူတွေ ပါဝင်ပတ်သက်နေခြင်းကိုလည်း ထောက်ပြခဲ့ပါသေး တယ်။ ဂျိုးဘိုင်ဒန်အစိုးရက လစ်ဘရယ်ဆန်ဆန် လူသားချင်းစာနာမှုကိုအကြောင်းပြ နိုင်ငံတကာမှာ မျက်နှာသာရရန်အလို့ငှာ ခိုးဝင်ခိုလှုံသူ တွေကိုတော့ အမိုးအကာနေရာကောင်းနဲ့ အစားအသောက်တွေ ပေးထားသလို တချို့ပြည်နယ်တွေမှာဆို ဖက်ဒရယ် အစိုးရက ခိုးဝင်တွေကို ဟိုတယ်ကြီးတွေမှာပါ စရိတ် ခံထားတည်းခိုစေခဲ့ပေမယ့် တစ်နေ့ထက်တစ်နေ့ အမေရိကန်နိုင်ငံသား အိမ်ခြေမဲ့ဦးရေတိုးလာပြီး အစားအစာမဲ့၊ အလုပ်လက်မဲ့ လမ်းပေါ်အိပ်လမ်း ပေါ်စား အမေရိကန်နိုင်ငံသားများဘဝနဲ့နှိုင်းယှဉ်ကာ ဝမ်းနည်းစွာ ဝေဖန်ခဲ့ပါတယ်။

ကာကွယ်ရေးနဲ့ တပ်မတော်ဆိုင်ရာ အားနည်းချက်များကို ထောက်ပြခြင်း

   ဘိုင်ဒန်လက်ထက် ပြည်ပစစ်ပွဲတွေကို ထောက် ပံ့မှု အဆမတန် ကြီးမားလာခြင်းကြောင့် အမေရိကန် စစ်တပ်ရဲ့ ကာကွယ်ရေးစရိတ်ကို ချွေတာရာကနေ စစ်တပ်နဲ့ စစ်တပ်ပိုင်ဆိုင်မှု လေယာဉ်၊ ရဟတ်ယာဉ်၊ သင်္ဘော၊ တင့်ကား၊ စစ်လက်နက်၊ စစ်သည် စသည် တို့ရဲ့တီထွင်ပြင်ထိန်း ထုတ်လုပ်လေ့ကျင့်မှု စွမ်းပကား အားနည်းလာပါတယ်။ တပ်မတော်သားများနဲ့ တပ်မတော်သားဟောင်းတွေအပေါ် ထောက်ပံ့စောင့် ရှောက်မှုမှာလည်း လစ်ဟာမှုတွေ များစွာဖြစ်လာပါတယ်။ စစ်ပြန်၊ စစ်မှုထမ်းဟောင်း၊ တိုက်ပွဲတွင်း ကိုယ်လက်အင်္ဂါစွန့်မသန်စွမ်းစစ်သည်တွေ အိုးအိမ် မဲ့ အထောက်အပံ့မဲ့ လမ်းဘေးရောက်နေတာတွေကို ထောက်ပြဝေဖန်ခဲ့ပါတယ်။ အာဖဂန်ကစွန့်ခွာဖို့ နောက်ဆုံးရက်တွေကျမှ ဂျိုးဘိုင်ဒန်နဲ့ ကာကွယ်ရေး ဝန်ကြီး၊ တပ်အကြီးအကဲတွေရဲ့ပေါ့လျော့မှုတွေ ကြောင့် ဗုံးခွဲတိုက်ခိုက်ခံသေခဲ့ရတဲ့ စစ်သည်အမျိုး သား အမျိုးသမီးပေါင်း (၁၃)ယောက်ရဲ့ သေဆုံးမှု ကိုလည်း နိုင်ငံတကာအလယ်မှာ အရှက်ရဖွယ်အဖြစ် ထောက်ပြခဲ့ပါတယ်။

စီးပွားရေး၊  ကုန်သွယ်မှုဆိုင်ရာနဲ့ ပြည်သူတွေရဲ့ နေ့စဉ်ကုန်ကျစရိတ်ဆိုင်ရာ ဝေဖန်ထောက်ပြမှုများ

တရုတ်နဲ့ ကုန်သွယ်မှုအခွန်တွေကို တင်းကြပ်စွာ မစည်းကြပ်ဘဲ တရုတ်က ပိုက်ဆံအချို့ ဘိုင်ဒန်တို့ ဆီကို ရောက်သွားတယ် "ဘိုင်ဒန်နဲ့ သူ့သားဟန်တာ ဘိုင်ဒန်တို့ တရုတ်နဲ့ ရုရှားလုပ်ငန်းတွေကနေ အဂတိ လိုက်စားတယ်လို့ တိုက်ရိုက်ဝေဖန်ခဲ့ပါတယ်။ ဒီအတိုင်းသာလွှတ်ထားရင် တရုတ်တစ်နိုင်ငံတည်းအပေါ် တင်နေတဲ့ ကုန်သွယ်မှုလိုငွေကိုသာကြည့် တရုတ်က အမေရိကန်ကို အပိုင်သိမ်းသွားတော့မယ်လို့ ပြောဆိုခဲ့ပါတယ်။ ဂျိုးဘိုင်ဒန်လက်ထက် မထိန်းနိုင်မသိမ်းနိုင် နဲ့ တက်နေတဲ့ငွေကြေးဖောင်းပွမှုကနေတစ်ဆင့် ပြည်သူ/စားသုံးသူတွေရဲ့ နေ့စဉ် လူနေမှုကုန်ကျစရိတ် မြင့်မားလာတာဟာ ကိုဗစ်မတိုင်ခင် သူ့လက်ထက် နဲ့ယှဉ်ပါတယ်။ တချို့စားသုံးကုန်တွေမှာ (၄)ဆအထိ မြင့်တက်ခဲ့ကြောင်း လက်ရှိဈေးတွေက သက်သေရှိပါ တယ်လို့လည်းဝေဖန်ရာ ဂျိုးဘိုင်ဒန်မှာ ပြန်လည်တုံ့ ပြန်စရာစကားမရှိတော့တဲ့အဆုံး ငွေကြေးဖောင်းပွတာ ထရမ့်ချန်ခဲ့တဲ့အမွေဆိုးပါလို့ ပြန်လည်စွပ်စွဲပါ တော့တယ်။ ထရမ့်က မဟုတ်ဘူး မင်း စီးပွားရေးကို နားမလည်လို့ ခုလို(၄)ဆအထိ မတက်သင့်ဘဲတက် တာလို့ ပြန်လည်ချေပပါတယ်။

ကိုယ်ဝန်ဆောင်ချိန်လွန် ကိုယ်ဝန်ဖျက်ချမှု ဥပဒေဆိုင်ရာ ထောက်ပြချက်

  ဘိုင်ဒန်အစိုးရနဲ့ ဖက်ဒရယ်အစိုးရတချို့ရဲ့ ပြဋ္ဌာန်းမှုနဲ့ အတည်ပြုခဲ့တဲ့ ကိုယ်ဝန်ဆောင်ချိန်လွန် တရားဝင် ကိုယ်ဝန်ဖျက်ချနိုင်ခြင်း ဥပဒေအရ ကိုယ် ဝန်ဆောင်ချိန် (၈)လ၊ (၉)လမှ ကိုယ်ဝန်ဖျက်ချခွင့် ပြုခြင်းဟာ သိပ်ကိုလူမဆန်ရာရောက်တဲ့ ကလေးသူငယ်သတ်ဖြတ်ခြင်းနဲ့ မိခင်ပါသေစေနိုင်လောက်တဲ့ ဥပဒေမို့ လူသတ်သမားတွေလို့ ပြင်းထန်စွာဝေဖန်ခဲ့ပြီ။ ဒါတွေဟာ ဖြစ်မလာခင်ကတည်းက လူမှုအသိုင်း အဝိုင်းပညာရေးကစလို့ ကြိုတင်ပညာပေး ပြင်ဆင်ရ မယ်။ မဟုတ်ရင် ဒီဥပဒေက လူသတ်မှုပဲလို့ ဝေဖန်ခဲ့ပါတယ်။

အဲဒီနောက် ထရမ့်က "I will make Amer­ica great again."ငါအမေရိကန်ကို ကြီးမြတ်ပြည့် စုံကောင်းမွန်အောင် ပြန်လုပ်မယ်လို့ ထပ်မံကတိပေးခဲ့ပါသေးတယ်။