ယူကရိန်းနိုင်ငံကို နှောင့်နှေးမှုမရှိဘဲ F-16 အမျိုးအစားတိုက်လေယာဉ်တွေ လွှဲပြောင်းပေးတော့မယ်လို့ နယ်သာလန်အစိုးရ ထုတ်ဖော်ပြောဆို
ဂျန်ဇက် (NSS) - ဇူလိုင် ၈
နယ်သာလန်နိုင်ငံအနေနဲ့ ယူကရိန်းနိုင်ငံကို F-16 အမျိုးအစား တိုက်လေယာဉ်တွေကို နှောင့်နှေးမှုမရှိဘဲ ကူညီပံ့ပိုးပေးမှုတွေစတင်သွားတော့မှာဖြစ်ကြောင်း နယ်သာလန်နိုင်ငံခြားရေးဝန်ကြီးက ယူကရိန်းနိုင်ငံခရီးစဉ်အတွင်း ထုတ်ဖော်ပြောဆိုလိုက်ပါတယ်။ ယူကရိန်းဟာ ရုရှားနဲ့ စစ်ပွဲဖြစ်လာခဲ့ပြီးနောက်ပိုင်း တိုက်လေယာဉ်တွေ ကူညီထောက်ပံ့ပေးဖို့ အမေရိကန်အပါအဝင်အနောက်အုပ်စုနိုင်ငံတွေကို အကူညီတောင်းခံခဲ့ကြောင်းသိရပါတယ်။
ယူကရိန်းအစိုးရက အမေရိကန်နိုင်ငံထုတ် F-16 တိုက်လေယာဉ်တွေဟာ ရုရှားတိုက်လေယာဉ်တွေနဲ့ ဝေဟင်စီးချင်းထိုးရာမှာ ဖြစ်စေ၊ ယူကရိန်းတပ်ဖွဲ့တွေကို ကာကွယ်ရာမှာဖြစ်စေ၊ ပိုမိုကောင်းမွန်အောင်ကူညီပေးနိုင်ဖွယ်ရှိတယ်လို့ ယုံကြည်နေပါတယ်။ နယ်သာလန်နိုင်ငံခြားရေးဝန်ကြီးက "F-16 အမျိုးအစားတိုက်လေယာဉ်တွေကို ယူကရိန်းကို ပထမဆုံးအကြိမ် လွှဲပြောင်းပေးမှာပါ၊ နှောင့်နေးမှုမရှိဘဲလွှဲပြောင်းပေးမှာပါ"လို့ပြောပါတယ်။ လုံခြုံ ရေးအခြေအနေတွေကြောင့် ယူကရိန်းကို တိုက်လေယာဉ်တွေ လွှဲပြောင်းပေးမယ့်အသေးစိတ်အစီအစဉ်ကို ထုတ်ဖော်ပြောဆိုမှာမဟုတ်သေးကြောင်း၊ နယ်သာလန်နိုင်ငံခြားရေးဝန်ကြီးက ပြောပါတယ်။
နယ်သာလန်ဟာ ယူကရိန်းကို F-16 အမျိုးအစားတိုက်လေယာဉ်အစီးရေ (၂၄)စီးကူညီထောက်ပံ့ပေးမှာဖြစ်ပြီး အဲဒီတိုက်လေယာဉ်တွေကို ဘယ်အချိန်မှာ ကူညီလွှဲပြောင်းပေးမယ်ဆိုတဲ့အချက်ကို အတိအကျ မပြောသေးကြောင်း နိုင်ငံတကာသတင်းမီဒီယာတွေက ဖော်ပြထားပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တက်သစ်စအဆိုတော်တစ်ဦးကို PDF အဖွဲ့က နေအိမ်အတွင်းဝင်ရောက်ကာ သေနတ်ဖြင့်ပစ်ခတ်သတ်ဖြတ်မှု မြို့သစ်မြို့နယ်တွင်ဖြစ်ပွား
RELATED POSTS
28 Oct 2024 | နိုင်ငံရေး,နိုင်ငံတကာ
28 Oct 2024 | နိုင်ငံရေး,နိုင်ငံတကာ
28 Oct 2024 | နိုင်ငံရေး,နိုင်ငံတကာ