အမေရိကန်စစ်သားများသေဆုံးမှုအတွက် လက်တုံ့ပြန်မည်ဖြစ်သော်လည်း စစ်ပွဲကျယ်ပြန့်မည်ကို မလိုလားကြောင်း အမေရိကန်သမ္မတပြော
ဂျန်ဇက် (NSS) - ဇန်နဝါရီ ၃၁
ဂျော်ဒန်နိုင်ငံရှိ အမေရိကန်စစ်အခြေစိုက်စခန်းကို ဒရုန်းများဖြင့်တိုက်ခိုက်ခံရခြင်းကို လက်တုံ့ပြန်သွားမည် ဖြစ်သော်လည်း စစ်ပွဲပိုမိုကျယ်ပြန့်လာမည်ကို မလိုလားကြောင်း အမေရိကန်သမ္မတ ဂျိုးဘိုင်ဒန်က ထုတ်ဖော်ပြောဆိုလိုက်သည်။
ပြီးခဲ့သောရက်ပိုင်းတွင် ဒရုန်းများဖြင့် တိုက်ခိုက်ခံရမှုကြောင့် အမေရိကန်စစ်သားသုံးဦးသေဆုံးကာ ဒါဇင်နှင့်ချီပြီး ဒဏ်ရာရခဲ့ကြောင်းသိရသည်။ အဆိုပါတိုက်ခိုက်ခံရမှုသည် ယခုနှစ်အတွင်း ရွေးကောက်ပွဲဝင်မည့် သမ္မတ ဂျိုးဘိုင်ဒန်အတွက် ဖိအားများဖြစ်လာစေခဲ့ကြောင်းသိရသည်။ အမေရိကန်သမ္မတက အမေရိကန်အခြေစိုက်စခန်းများကို တိုက်ခိုက်ခဲ့သော လက်နက်ကိုင်အဖွဲ့စည်းများအား စစ်လက်နက်ပစ္စည်းများ ကူညီထောက်ပံ့ ပေးနေသည့် အီရန်နိုင်ငံတွင်တာဝန်ရှိကြောင်းပြောသည်။ ဂျော်ဒန်နိုင်ငံရှိ အမေရိကန်စစ်သားများသေဆုံးမှုသည် အစ္စရေးနှင့်ဟားမက်စ်လက်နက်ကိုင်အဖွဲ့ကြားဖြစ်ပွားသည့် ဂါဇာစစ်ပွဲစတင်ခဲ့ပြီးနောက်ပိုင်း ပထမဆုံးအကြိမ်သေဆုံးခြင်းဖြစ်ရာ အမေရိကန်ပြည်သူများစိတ်ဆိုးဒေါသဖြစ်နေကြောင်းသိရသည်။ အမေရိကန်အစိုးရကအမေရိကန်စစ်သားသုံးဦးသေဆုံးရမှုအတွက် လက်တုံ့ပြန်ရန် ဘက်ပေါင်းစုံမှ အရေးယူဆောင်ရွက်သွားမည်ဖြစ်ကြောင်း သတင်းထုတ်ပြန်ထားသည်။
အမေရိကန်သမ္မတ ဂျိုးဘိုင်ဒန်က "အမေရိကန်စစ်သားတွေ သေဆုံးရမှု အတွက် လက်တုံ့ပြန်သွားမယ်။ဘယ်လိုမျိုးလက်တုံ့ပြန်မလဲဆိုတာ အသေးစိတ်တော့ ပြောလို့မရသေးဘူး၊အရှေ့အလယ်ပိုင်းဒေသအတွင်း စစ်ပွဲပိုမိုကျယ်ပြန့်လာမှာလည်း မလိုလာဘူး၊ဘယ်လို လုပ်ဆောင်ရမလဲဆိုတာ စဉ်းစားရဖွယ်ရှိနေပါတယ်"ဟုပြောသည်။
အမေရိကန်နိုင်ငံသည် အမေရိကန်စစ်သားများကိုတိုက်ခိုက်နေသည့် အရှေ့အလယ်ပိုင်းဒေသအတွင်းရှိလက်နက်ကိုင်အဖွဲ့များအား လက်နက်ကူညီပေးနေသည့်အီရန်နိုင်ငံကိုတိုက်ခိုက်ခဲ့မည်ဆိုလျှင် အရှေ့အလယ်ပိုင်းဒေသအတွင်း စစ်ပွဲက ပိုမိုကျယ်ပြန့်လာဖွယ်ရှိနေကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မဟာဗျူဟာမြောက် ခရုဇ်ဒုံးကျည်ကို အောင်မြင်စွာစမ်းသပ်ပစ်လွှတ်နိုင်ခဲ့ကြောင်း မြောက်ကိုရီးယားအစိုးရ ထုတ်ဖော်ပြောဆို
RELATED POSTS
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ